http://www.hamagmongol.net/ Хамаг Монгол - Монголчуудын цахим хуудас. Мэдээ, нийтлэл, зар самбар, форум, чат, дууны бичлэг, зургийн цомог. http://www.hamagmongol.net/news.php#419 Өнгөрсөн есөн сард бид вэбдээ Улаан Үдээс гаралтай Саид Бурятский хэмээх лалын вахабист болж Чеченийн босогчидтой нэгдсэн нэгэн залуугийн талаар мэдээлж байсан билээ. Саид Бурятский зүгээр нэгэн лалын шашинтан ч бус харин чеченийн босогчидын гол удирдагчидын нэг байсан гэх бөгөөд лалын номлолдоо үнэнч үзэл бодол суртал ухуулгын гол удирдагч нь байжээ. Өдгөө Оросын хэвлэл мэдээллээр зарлаж буйгаар 3 сарын эхний өдрүүдэд Чеченд Оросын тусгай албадаас явуулсан алан хядагчидтай тэмцэх тусгай ажиллагаагаар Саид Бурятскийг алж устгсан гэжээ. http://www.hamagmongol.net/news.php#418 Оросууд архидалтаараа дэлхийд алдартайг хүн бүр мэднэ. Гэтэл Оросуудын архидах дуртай, бас архиа сайн дааж чаддаггүй энэ зан араншин нь Монголчуудаас уламжлагдсан гэж Оросын өөрийнх нь судлаачид үзэж буй гэнэ. Европ гаралтай хүмүүс Ази хүмүүстэй харицуулбал архи даах илүү чадвартай энэ нь эртнээс бий болсон генийн хувьсалтай холбоотой аж. Орос улс Монголчуудын дарлал дор үндсэндээ 300 шахам жил болсон нь үнэн, энэ хугацаанд Монгол Оросууд цус ихэд холилдож өдгөө жишээ авахад Москва хотын иргэдийн 50 хувь нь Монгол генийг ямар нэг хэмжээгээр агуулж байна гэжээ. <br /> <br /> Ямартай ч гэлээ сүүгээр нэрсэн айраг, сулавтар нэрмэл архи ууж дадсан Монголчуудад өндөр хэмтэй хатуу цагаан архийг ууж тэсвэрлэн даах ген үгүй байсан гэх бөгөөд чухам энэ л сул талын ген нь Оросуудад дамжсанаар Орос хүмүүс бусад европчуудтай харьцуулахад архи даах чадвар сул мөн архинд орж биеээ даах чадвараа алдах нь их байдаг гэнэ. Оросын Наркологийн Судалгааны Төвийн ажилтан Владимир Нужныи хэмээх эрдэмтний удирдсан баг Монгол гентэй гэж үзсэн (Заавал Ази төрх агуулсан байх албагүй), мөн Монгол генгүй гэж үзсэн хэсэг оюутнуудад үнэгүй архи өгч ажиглалт судалгаа явуулсан бөгөөд Монгол ген агуулсан гэж үзсэн тэдгээр оюутнууд архийиг бусдаас илүү уух дуртай байсан ба мөн архи даах чадвар нь илүү сул байсан байна. http://www.hamagmongol.net/news.php#417 Их Британы Гуардиан сонинд мэдээлсэнээр үзвэл Өвөр Монголын хүн амын 33 хүн тутмын нэг нь Хятадын тусгай албаны мэдээлэгч байдаг гэнэ. Өвөр Монголын нэгэн мужын орон нутгийн тусгай албаны нэгэн дарга болох Liu Xingchen Хятадын Шинхуа мэдээллийн хороонд өгсөн ярилцлгадаа Хятадын тусгай албад дотооддоо хэрхэн ажилладаг болохыг гадарлуулахад тус болохуйц энэхүү мэдээг дурджээ. <br /> <br /> Liu Xingchen хэлэхдээ 400,000 хүн амтай хот байлаа гэхэд 12,093 хүн нь тусгай албаны мэдээлэгч байх байх бөгөөд дотоодыг аюулаас хамгаалах албаны энэхүү нягт ажиллагаа нь төр засгаас явуулж буй албан ёсны бодлогод харш үйл ажиллагаа эрмэлзлэл гарч болохоос урьдчилан сэргийлэх хянаж мэдээлэл цуглуулж байх зорилготой аж. Аюулаас хамгаалахын нэг ажилтан бүр 20 мэдээлэгч элсүүлэх үүрэгтэй ба зохион байгуулалттай гэмт хэрэгтэй тэмцэг тасаг бол бүр ч илүү олон мэдээлэгч элсүүлж авах үүрэгтэй байдаг аж. <br /> <br /> Хятадын төр засгийн удирдлагаас ч ард иргэдээс ирэх гомдол асуудлыг орон нутагт нь шийдэж ихэнх асуудлыг дээш гаргахгүй байх шаардлага тавьдаг гэх ба, <br /> дээрээс өгөх удирдамжын дагуу иргэд хүмүүс ямар нэгэн асуудлаар эсэргүүцэл илэрхийлэх улмаар асуудлыг төр засгийн удирдлагын сонорт хүргэх тэр боломжыг урьдчилан соргогоор таниж асуудлыг дээш гаргуулахгүй байх нь аюулаас хамгаалахынхны ажлын нэг хэсэг хэмээн Liu хэлсэн байна. Аюулаас хамгаалахынхны үйл ажиллагаа нь ямар нэгэн сэжиг бүхий асуудал гарч магадгүй тохиолдолд санаачлагыг гартаа авч асуудлыг дэврээн гол эзэдийг нь олох, асуудлынн үндсэн болон далд санааг илчлэх идэвхтэй арга барилыг чухалчлан үздэг аж. <br /> <br /> Сөрөг санаа бүхий этгээдүүдийг дарахад тэднийг дарамтлах, ажлаас нь халах, бизнесийг нь нураах зэрэг хууль бус арга хэрэглэх нь хүлээн зөвшөөрөгдсөн мэт ба ямартай ч асуудал гарлаа гэхэд дэврүүлэлгүй дарж намжааж байх нь чухал аж.<br /> <br /> Ерөнхийдөө мэдээлэгчидийн үйл ажиллагаа нь ард иргэдийн улс төрийн сэдэвтэй үйл ажиллагаанаас авхуулаад эд хөрөнгийн маргаан, шашны үзэл бодлын цуглаан гэх зэрэг олон төрлийн нийгэмд харш бүхий асуудлуудыг хянаж байх чигтэй аж. <br /> <br /> Америк шинжээчидын үзэж буйгаар Хятадын аюулаас хамгаалахынхны энэхүү өргөн цар хүрээтэй ажиллагаа нь ард түмнээ сайтар хянаж буй мэт боловч нийтийг хамарсан эсэрүүцэл цуглаан энд тэнд гарсаар байгаа тийм асуудлуудыг урьдчилан мэдэж арга хэмжээ авч чадахгүй байгаа нь аюулаас хамгаалахынхны систем нь төдийл сайн ажиллаж чадахгүй байгаагийн илрэл юм гэжээ.<br /> <br /> http://www.guardian.co.uk/world/2010/feb/10/china-police-informants-surveillance<br /> http://www.hamagmongol.net/news.php#416 Монголчуудын махны хэрэгцээг тооцвол жилд нэг хүнд 200 паунд буюу 91кг мах ноогддог аж. Тэгвэл өнөөдөр Монголд махны төрлийн бүтээгдэхүүнийг хүнсэнд хэрэглэхээс татгалзсан хүмүүсийн тоо өдөрөөс өдөрт нэмэгдсээр байна гэнэ. Гадаадын улс орнуудад мах иддэггүй хүмүүсийг Vegeterians ( вэжэтэриан-өвсөн тэжээлт) хэмээн нэрлэдэг харин манайхан цагаан хоолтнууд хэмээн нэрлэдэг. Vegetarians хүмүүс нь бол бидний ярьж заншсанаар зөвхөн цагаан хоол будаа сүүгээр хоололдог хүмүүс биш юм, тэд хоол хүнсэндээ ногоо жимс болон сүүн бүтээгдэхүүн хэрэглэх бөгөөд ямар нэг төрлийн махнаас татгалздаг юм. Өнөөдөр Улаанбаатарт 20 гаруй Vegetarian ресторан хоолны газар байна гэх бөгөөд тэнд хоололдог хүмүүс нь голдуу Буддын, Христийн шашны цагаан хоолтон Монголчууд мөн Монголд амьдардаг гадаадын вэжэтэриан хүмүүс голдуу хоололдог аж.<br /> <br /> Судалгаагаар үзэхэд Монголд 30-40 мянган вэжэтэриан хүмүүс бий бөгөөд энэ нь нийт хүн амын 1 хувиас жаахан өндөр байгаа гэнэ. Харин Америкт хүн амын 3 орчим хувь нь вэжэтэриан аж.<br /> <br /> Уул уурхайн нэгэн компанийн ажилтан Долгор хэмээх бүсгүйн хэлж буйгаар бол зарим Монголчууд махгүй хоолыг хоол гэж тооцдоггүй гэнэ. Долгор аавдаа мах ороогүй дан ногоотой хоол хийж өгвөл аав нь "би ямар ямаа юм уу " гэдэг гэнэ.<br /> Мэдээж Монголчууд бид цаг агаар амьдарч буй орчиныхоо шаардлагаар илчлэг ихтэй хоол, мах голдуу гурил будаа арвай голчилсон хоол идэх шаардлагатай байдаг. Чухам энэ л илчлэг ихтэй хоолныхоо хүчээр өвөг дээдэс маань дэлхийн талаас илүүг морин дэл дээр туулж их байлдан дагуулалтыг хийж явсан гэж Монголчууд үздэг аж. <br /> <br /> Сүүн бүтээгдэхүүн нь Монголчуудын хувьд бүр махнаас ч илүү өргөн хэрэглэгддэг чухал хүнс гэж зарим хүмүүс үздэг ба зуны цагт Монголчууд дан сүү цагаан идээгээр амьдарч мах огт хэрэглэдэггүйг дурджээ. Монголчуудын цагаан хоол нь сүүн төрлийн бүтээгдэхүүнээс бүрддэг. Вэжэтэриан рестораны тогооч Алтанцэцэг 2008 онд вэжэтэриан болсон гэх бөгөөд түүний хэлж буйгаар зарим Монголчууд вэжэтэриан хүмүүсийг "солиотой " хэмээдэг аж. Вэжэтэриан болсоноороо амьтныг хайрлах мөн байгал орхчинд тарих хор нөлөөг багасгах сайн ач холбогдолтой тэгээд ч биейин эрүүл мэндэд тун тустай хэмээн Монголын вэжэтэрианчүүд тайлбарлаж байна. http://www.hamagmongol.net/news.php#415 Австрийн саятан Karl Rabeder хэмээх эр "Мөнгө аз жаргалыг худалдан авч чадахгүй" гэж хэлээд өөрийн насаараа хураасан баялаг болох 6.7$ сая долларын хөрөнгийг бүгдийг буяны байгууллагад хандив болгон өгчээ.<br /> <br /> Ядуу гэр бүлд төрж өлөн зэлмүүн өссөн тэрвээр бэрх хэцүү амьдралыг туулан сайхан амьдралын төлөө шаргуу эцэж цуцалтгүй ажилласаны хүчинд саятан болж нэн их эд хөрөнгийг хуримтлуулж чадсан байна. Ядуу амьдралтай түүний гэр бүл мөнгөтэй, материаллаг эд баялагтай бол сайхан амьдрана, аз жаргалтай байна гэсэн ойлголтод хатуу итгэж тэр ч тийм ч маягаар өсөж хүмүүжжээ. Харин Карл мөнгөтэй болж баян болсон хойноо мөнгө төгрөг аз жаргалыг авчирдаггүй, аз жаргалыг мөнгөөр худалдан авч болдоггүй юм байна гэдгийг ойлгосон байна.<br /> <br /> Баян элбэг амьдралаар амьдрах болсон тэрвээр өдөр ирэх тутам эд баялагийн төлөө, энэ тансаг амьдралын төлөө боол мэт ажиллаж байгаагаа мэдэрч энэ нь түүнд түүний хүсэн мөрөөдөж байсан аз жаргалыг нь огтхон ч авчирахгүй байгаад сэтгэл огт ханамжтай бус байх болсоноос эд баялгаа буяны байгууллагад өгч салан амьдралаа шинээр эхлэхээр шийдсэн гэнэ.<br /> <br /> Хүн дуртай хүссэн зүйлээ хийж байж л аз жаргалтай сайхан амьдарна, яг надтай адил мөнгө төгрөгтэй хангулуун сайхан мэт буй боловч аз жаргалгүй амьдарч хүссэн зүйлээ хийж чадахгүй байгаа тийм баячууд олон бий гэдэгт би итгэлтэй байна хэмээн тэр хэлжээ.<br /> <br /> Карл Өмнөд Америкт нэгэн буяны газрыг бий болгосон ба тэр буяны газартаа өгсөн $6.7 сая доллар хөрөнгөөсөө юу ч авахгүй бөгөөд өдгөө амьдарч буй дээд зэрэглэлийн харшнаасаа гарч, уулын нэгэн аман дахь нэгэн жижиг модон байшинд амьдрах гэнэ<br /> <br /> http://neatorama.cachefly.net/money-happiness.htm<br /> http://www.hamagmongol.net/news.php#414 Их Аварга Асашорю саяхан болж өнгөрсөн "шөнийн клубын будлиан" гэх хэрэгийн улмаас Японы Sумогийн Холбоо (JSA), олон нийтийн хэвлэл мэдээллийн зориудын дарамт шахалтын улмаас зодог тайлсан билээ. Чухам ямар хэрэг болсон юунаас болсон зэрэг асуудал нь олон нийтэд тодорхой бус байгаа ба ямартай ч JSA Асашорюг сумогоос хөөх шийдвэр дээр санал нэгдээд байсан гэх ба харин Их Аваргад шийдвэр албан ёсоор гаргахаас өмнө өөрийн саналаар сумог орхихыг зөвлөсөн тулгасаны улмаас Асашорю арга буюу зодог тайлж байгаагаа зарласан байна.<br /> <br /> Асашорюг зодог тайлсанд гадаад дотоодын олон шүтэн бишрэгчид нь ихэд харамсаж буй ба зарим нэг нь JSA шийдвэрийг шударга бус, Асаг сумогоос зайлуулах нь түүни амжилтыг зогсоох найдвартай арга гэж үзсэнээр өдүүлсэн зориудын зохион байгуулалттай үйл ажиллагаа байсан гэж үзэж буй аж. Үүний улмаас Асагийн зарим нэгэн шүтэн бишрэгчид нь шөнийн клубт болсон хэрэг гэгчийн талаар өөрсдийн судалгаа байцаалтыг явуулж тэрхүү Асад зодуулсан гэх 38 настай хүн нь тус клубын эзэн бөгөөд урьд нь 2 удаа томоохон гэмт хэрэгт холбогдож байсан хүн байсан гэдгийг тодорхойлжээ. Токиогийн Azabu дүүрэгт байдаг шөнийн клубын эзэн гэх энэ хүн Японы нэр цуутай хүмүүстэй танил тэднийгээ клубтээ урьж авчирдаг байсан гэх ба мөн клубт нь хар тамхитай холбоотой хэрэгүүд гарч байсан аж. Ямартай ч Асашорюгийн хохирогч гэж нэрлэгдээд байгаа дүүргийнхээ цагдаагийнхантай дотно танил найз гэх энэ этгээдийн талаар Японы хэвлэл мэдээлэл огтхон ч дурдахгүй байгаа нь хэвлэлийнхний үгэнд итгэхэд эргэлзээ төрүүлж байгаа юм.<br /> <br /> 1-сарын 16нд шөнийн клубынхээ гадаа Асашорюд цохиулсан гэх энэ хүн тухайн үед болсон будлианы талаар тохиролцон асуудалгүй гомдолгүй хэмээн тохиролцон салцгаасан гэх ба харин 9 хоногийн дараа 1-сарын 25нд цагдаагийн газар гомдол мэдүүлсэн нь гайхширал төрүүлэм аж. Үйл явдлыг нарийвчлан ажиглаж байгаа хүмүүсийн үзэж буйгаар энэ хэрэг нь тодорхой бүлэг хүмүүсийн урьдаас зохион байгуулсан нэгд, Асашорюгаас уг будлианаар нээнтэглэн мөнгө салгах, хоёрт түүнийг сумогоос хөөлгөн амжилтыг нь зогсоох гэсэн давхар зорилго бүхий хэрэг байсан аж. <br /> <br /> Асашорюгийн шүтэн бишрэгч нэгэн Европ хүний бичиж буйгаар Асашорю алдаа гаргажээ, гэхдээ Японы олон нийт Асагийн гарасан энэ алдааг эх орных нь үндэсний спортыг эзэгнэж байгаа Япон бус Их Аварга Асаг сумогоос шахан зайлуулах хамгийн том боломж гэж үзэж байгаа талаар Японы хэвлэл мэдээлэл огт дурдахгүй байна гэжээ.<br /> <br /> Ямартай ч Асашорюг сумогоо орхиход хүргэсэн уг будлианы талаар Японы хэвлэл мэдээлэл болон цагдаагийн газраас цацаж буй мэдээнүүд нь зуун хувь үнэн бус зөвхөн нэг талыг барьсан харагдаж буй ба цаашид нарийвчлан шалгавал асуудлыг огт өөрөөр эргүүлэх сэжүүр ч байх магадлал өндөр буй аж. Асашорю урьд нь сумогийн холбооны дүрмийг зөрчиж сануулга авч байсан нь үнэн боловч энэ удаагийн асуудал нь түүнийг сумогоо орхих шалтаг болсон гэдэгт итгэхэд бэрх харамсалтай байгаа юм.<br /> http://www.hamagmongol.net/news.php#413 Канадын үндэсний хэвлэл мэдээлүүдээр бичигдэж буйгаар Монголын иргэн Бумууцэрэнгийн Ганхуяг (Gankhuyag Bumuutseren ) нь Монгол болон Америк дахь Өвөр Монгол гаралтай иргэдийг тагнан Хятадын талд ажиллаж байсан тагнуул бөгөөд өдгөө Канадын протестанд шашны St. James Anglican church in Etobicoke хэмээх сүмд хорогдож тус улсаас улс төрийн оргонол хүссэн байна. <br /> <br /> Сэтгэл зүйч мэргэжилтэй 41 настай Ганхуяг, 8 жилийн турш Хятадын тагнуулаар ажилласан гэх ба анх Хятадаас жимс ногоо зөөн Монголд зардаг бизнес хийж байхдаа Эрээн хотноо Хишигт, Жаргал гэх Өвөр Монгол иргэдтэй танилцаж тэднээр хэлмэрчлүүлж зуучлуулж байсанаар бүх юм эхэлсэн гэжээ. Сайтар танилцаж дотно болсон гэх Өвөрлөгч найзууд нь Ганхуягаас Өвөр Монголын банкнаас сая саяар мөнгө идээд Монгол руу зугтсан Мандах гэгч нутаг нэгтнийгээ олоход тусална уу хэмээн хүсч улмаар түүнийг Жан Мин хэмээх Хятад хүмүүстэй танилцуулсанаар тэрвээр Хятадын тагнуулын албанд зүтгэж эхэлсэн болохоо мэдээгүй байсан хэмээжээ. Ингэж Хятадын тагнуулын албанд элсэн орсон тэрвээр Монгол дахь Өвөр Монгол гаралтай иргэдийг тагнах болсон байна. Хятадын талд тагнуулын үүрэг гүйцэтгэн хөлсөнд нь шагнал авдаг байсан тэрвээр нэг удаа бүр $1000 доллар авч байсан гэжээ. Байнга Хятад руу зорчдог байсан түүнийг Хятадын талд ажиллад дөнгөж нэг жил гаруй болоод байхад үедээ нэгэн удаа Бээжингээс онгоцоор буцаж ирэн УБ хотод буух үед нь Монголын тагнуулын албаныхан баривчилсан байна. Түүний хэлж буйгаар Монголын тагнуулын албаныхан түүнийг байцаахдаа зодож тамласан бөгөөд Монголын сөрөг тагнуулын төлөөлөгч болж Хятадуудыг тагнах нөхцөл тулган зөвшөөрсөнийх нь дараа түүнийг сулалсан аж. <br /> <br /> Монголын тагнуулын албаныхан түүнд бичлэг хийдэг нэгэн цаг өгсөн гэх бөгөөд тэрвээр өөртэйгөө харьцдаг Хятадын тагнуулын албаныхан мөн Хятад дахь Түвд, Казах, Өвөр Монгол иргэдийн үйл ажиллагааг тагнаж мэдээлэх үүрэгтэй байжээ. Энэ үед Хятадууд түүнийг Америк руу хэд хэдэн удаа нисгэсэн бөгөөд тэрвээр 1997 онд New Jersey төвтэй Өвөр Монголын Ардын Намыг (Inner Mongolian People's Party in Princeton, N.J. ) байгуулах анхны хуралд оролцож, гишүүн нь болж улмаар Хятадын эсрэг хүчтэй арга хэмжээ авах санал дэвшүүлэн өдөөн хатгах үйл ажиллгааг хийж байсан аж. <br /> <br /> Өвөр Монголын Ардын Намын дарга Temtsiltu Shobtsood хэлэхдээ Ганхуягийг тагнуул гэж мэдээгүй ч түүний хэт хатуу тэмцлийг уриалсан үйл ажиллагаа нь сэжигтэй санагддаг байсан тухай өгүүлсэн байна.<br /> <br /> Ганхуяг сүүлчийн удаа 2000 онд Хятадын даалгавараар Америкт ирж байсан бөгөөд 2 жилийн дараа Бээжингийн онгоцны буудал дээрээс Хятадын тусгай албаныханд баригдан байцаагдаж зодуулах, тусгай цахилгаан кабель утсаар хөлөө оосорлуулах, халуун индүүгээр хайруулах зэрэг яргалалд өрцэн гэжээ. Тэрвээр 2004 Хятадын эсрэг тагнуул хийсэн хэрэгээр 18 жилийн ял авсан боловч 2 жил орчим болоод суллагдаж "ирээдүйд хамтран ажиллана" гэсэн болзолтойгоор Хятадууд түүнд хуурамч бичиг баримт үйлдэн Монгол буцаасан аж. <br /> <br /> Түүнийг Монголд буцаж ирэхэд нь Монголын тагнуулын албаныхан баривчлан авч 7 хоногийн турш байцаан тамласан хэмээн тэр өгүүлжээ. Нийтлэлд бичсэнээр Ганхуяг Америк руу нисдэг байсан гэх бөгөөд нэгэн удаагийнхаа нислэгээр тэр гэр бүлийн хамт Канадын Ванкьювер хотод 3 хоног саатаж тэр хот болон цаг агаар нь түүнд ихэд таалагдсан аж. Ингээд тэр Мексикт амрахаар явж буй гэр бүл хэмээн нисч Торонтогийн Toronto's Pearson airport онгоцны буудал дээр үлдэж шүүд улс төрийн оргонол хүссэн байна.<br /> <br /> 2005 оны 10-сарын 18нд Торонтогийн онгоцны буудалд өөрийн охин, өргөмөл охин эхнэрийн хамт буумагцаа оргонол хүссэн түүний хүсэлтийн эцсийн хариуг гартал 4 жил дөрвөн сар шахам болсон ба тэрвээр энэ хугацаанд Канадад түр хугацаагаар амьдарч байсан байна. Удаан хүлээсний эцэст Канадын цагаачлалын алба түүнд улс төрийн оргонол өгөх бус харин Монгол руу албадан гаргах шийдвэр гаргасан байна. Ингээд цагаачлалын албанаас шийдвэрийг гүйцээхээс хэдхэн цагийн өмнө Ганхуяг гэр бүлийн хамт St. James Anglican church in Etobicoke сүмд амжин очиж хоргодсон байна. Тэрвээр өдгөө уг сүмийн доод давхарт (basement) тохилог нэгэн өрөөнд Канадад төрсөн 3 настай охин, мөн Costco-д ажилладаг эхнэр Моника-гийн хамт амьдарч буй аж. Ганхуяг 2 жил Хятадын шоронд байхдаа тамлуулж биедээ шарх, түлэгдэл, гэмтэл авсан нь үнэнд нийцэж байна гэж Канад эмч үзэж буй бөгөөд Ганхуяг Канадын засгийн газраас ажлын чадваргүй (тахир татуу) хүмүүст олгодог тэтгэмжийг авдаг гэнэ. <br /> <br /> Нийтлэлд бичсэнээр Канадын цагаачлалын алба нь гаднын тагнуулын албатай холбоотой асуудлуудад тийм ч сайн хандадгүй түүхтэй ба яг иймэрхүү төстэй асуудлаар цагаачлал гуйсан Ираны тагнуулч болох Mansour Ahani-г 2002 онд эх орон луу нь буцааж байсан байна. Өөр нэгэн жишээ дурдахад Оросын Аюулаас Хамгаалах Албаны ажилтан байсан Mikhail Lennikov өдгөө Ванкьювер хотод албадан гаргуулахаас зайлсхийн мөн л нэгэн сүмд толгой хорогдож буй гэнэ.<br /> <br /> Ганхуягийн хоргодож буй сүмийн сүсэгтэн тэргүүн Rev. Henderson хэлэхдээ ариун сүмд хоргодож байгаа хүмүүсийг цагаачлалын алба баривчлахгүй хэмээн итгэлтэй байга бол цагачлалын албаны ажилтан Anna Pape, хэдийгээр сүмд хоргодож байгаа хүмүүсийг цагаачлалын албанаас сүм рүү орон баривчлахгүй боловч энэ нь цагаачлалын алба албадан гаргах шийдвэрээ өөрчилж байна цуцаллаа гэсэн үг биш юм хэмээсэн байна.<br /> <br /> Канадын холбогдох албадаас Ганхуягийн хүсэлтийг шат дараалан хэлэлцээд хүлээн аваагүйгээр үл барам Ганхуягт Канадад үлдэх найдвар тун бага байгаа гэж үзэж буй ба Хятадуудад байцаагдаж хоригдож байхдаа тамлалд өртсөн байж болох юм гэхдээ Монголын тусгай албадын зүгээс түүнийг тамласан гэсэн баталгаа алга байна хэмээжээ. <br /> <br /> Ганхуяг зураг сонирхдог гэх бөгөөд тэрвээр хоргодож буй байрандаа өөрийн зурсан эрвээхэйтэй зургийг ханандаа өлгөсөн байх энэ нь түүний эрх чөлөөт байдлыг хүссэн сэтгэлийн илрэл хэмээн нийтлэлд бичжээ. Ямартай ч Ганхуяг Монгол буцахаас айж байна хэмээн өргөдөлдөө бичсэн бөгөөд, Канадаас Монголд буцан очсон тохиолдолд тэрвээр амьд үлдэхгүй, хийсэн хэрэгтээ гэмшиж байна, залуу гэнэн байж, учирыг нь ололгүй явсаар аюултай зүйлд холбогдсон хэмээжээ.<br /> <br /> <br /> Эх сурвалжаас товчлон орчуулж тайлбарлав.<br /> Зарим эх сурвлжуудаас:<br /> http://www.nationalpost.com/story.html?id=2514411<br /> http://www.kelowna.com/2010/02/02/chinese-spy-takes-refuge-in-toronto-church/ http://www.hamagmongol.net/news.php#412 Хятадын Шинхуа мэдээллийн төвөөс мэдээлж буйгаар энэ жилийн өвлийн зуд Монголд гамшиг гэмээр хохиролыг авчирч, хүйтрэл -45 аас -50 хэм хүрч мөн их хэмжээний цас орсон нь хөдөө малчидад онцгойлон хүнд тусаад байна гэжээ. Өвөл дуусах яагаа ч үгүй байгаа өдгөө Монголын нийт газар нутгийн 80% хувь нь 20-90 сантиметр цасаар хучигдаад байгаа ба энэхүү зуданд Монголын төвийн аймгууд илүүтэй нэрвэгдээд байгаа аж. <br /> <br /> Монголын засгийн газраас онц байдлыг зарлаж гадаад дотоодын байгууллагуудаас малчидаддаа эд мөнгөний болон эд материалын тусламж гуйсан байна. http://www.hamagmongol.net/news.php#411 Монголын талаас одоогийн байдлаар 40,000 орчим зээр Оросын Байгал нүүр дорнод сибирийн орчмоор хил даван ороод байгаа ба 70,000 орчим зээрнүүд Монгол Оросын хил хавиар бөөгнөрөөд байгаа нь Оросын хил орчмын мужуудыг сандралд оруулж түргэн авхуулаад байгаа аж. Энэ жил Монголд ойрын жилүүдэд байгаагүй ихээр хүйтэрч хүн малд нэн бэрхшээл учируулаад байна хэмээж байсан бол өдгөө хээрийн ан амьтанд ч аюул учруулаад байгаа нь тодорхой болж байна. <br /> <br /> Олноор орж ирсэн зээрнүүд хил орчмын малын бэлчээрийг үгүйрүүлж мөн нутгийн ардууд зээр агнах явдал ихэсч байгаа нь асуудал болоод байна хэмээгээд Монгол 1.2 сая орчим зээртэй ба энэ амьтан нь улаан номд орж агнах хориотой боловч зээрийг хууль бусаар агнах явдал Монголд нэлээд байдаг хэмээн Оросууд бичжээ. http://www.hamagmongol.net/news.php#410 Өнгөрсөн жилийн эхчүүдийн баяраар Joz Wang хэмээх Тайвань залуу дүүгийнхээ хамтаар ээждээ бэлэг болгон Nikon Coolpix S630 камерыг ээждээ бэлэг болгон авч өгчээ. Шинэ камер авч баярласан ээж нь зураг авч эхэлж тэгээд мэдээж бүгд л зурагаа авхуулахдаа инээсэн баярласан дүртэй л гарахыг хүснэ. Харин камер нь инээмсэглэсэн хүний зургийг авах бүрт "Did someone blink?" "Хэн нэг нь нүдээ анивчаагүй биз " хэмээн асуух аж. Бүгд тэр камерийг эвдрэлтэй байх гэж бодож байж гэтэл харин камер нь эвдрэлтэй биш харин зүгээр л жижгэвтэр нүдтэй өөрөөр хэлбэл Америкчуудын хэлж заншсанаар "chink " буюу Ази Хятад гаралтай хүмүүсийн инээмсэглэсэн дүрийг авахдаа нүдээ аничихлаа (нүд нь алга болчихлоо) хэмээн "сэтгэж " зургийг нь авахдаа тэгэж асуудаг аж.